KTS Meri Bantu Perengka Sekula RM10,000 ngagai SK Bukit Balai

BINTULU: Kompeni KTS udah mujur meri bantu perengka sekula ti beungkus RM10,000 ngagai Sekula Pramari (SK) Bukit Balai kemari.

Kepala Pengajar, Mangai Tugau ngarapka mayuh agi raban ijinsi nyengkaum mensia mayuh meri bantu kena mutarka penusah ditapi sekula nya.

“Aku meri pegaga ati ngagai raban ti udah meri bantu ngagai sekula tu kelebih agi ngagai kompeni KTS iya nya Wawasan Sedar Sdn Bhd enggau Pusaka KTS Plantation Sdn Bhd,” pia ku Mangai bejaku maya pengerami nyuaka bantu nya ba SK Bukit Balai ensanus.

Berebak enggau nya, iya berasai gaga ati laban nadai nyawa bebadi maya penusah angus nya nyadi.

Pengawa meri bantu nya dipejalaika ketegal sebengkah buding nembiak lelaki sekula nya ditinggang penusah angus kena 21 Julai tu tadi.

Penusah nya mega ngujungka dua bengkah rumah pengereja pengawa sekula enggau sebengkah rumah pengajar sama bela ditinggang penusah angus.

SK Bukit Balai ditumbuhka kena taun 1950 sereta ngembuan 300 iku nembiak sekula ari pupu raban bansa.

Sama bela ngulu pengerami tu, Pemesai Tadbir Sebauh, David Kala.

- UB