MIRI: SM Sains Miri taun tu sekali agi teulihka pemutus peresa
Penilaian Menengah Rendah (PMR) ke pemadu manah ba menua Sarawak sepengelama
lima taun bejurut.
Sekula nya ke nyadi sekula pemadu nyulut ba
peresa PMR kenyau ari taun 2007 lalu penyampau nembiak ti teulihka A dalam
semua sabjek bisi nambah iya nya 50 iku /54.3 persin (2007), 62 iku /62 persin
(2008) 52 iku /60.5 persin (2009) 69 iku /71.9 persin (2010).
Ba pemutus ti dipansutka ensanus, seraban 74 iku
teulihka A dalam semua sabjek lalu ari penyampau nya, 46 iku teulihka 8A
ditangkanka 28 iku teulihka 7A tauka 75.5 persin.
Nembiak ti teulihka 8A iya nya Ahmad Faridzul
Japar, Dayang Munirah Syahidah Wasli, Hasbullah Abd Rahman, Hasrol Hisyam
Hamdan, Hazwani Qisteena Morshidi, Izzah An Nabilah Mudihi, Juzailah Untong
enggau Ku Nazri Ku Mahtar.
Nembiak ti teulihka 7A iya nya Jordan Wan,
Adelson Mos, Alvin Sia Siaw Kang, Arwin Lashawn Kendary, Damian Mering Kebing,
Eva Vanessa David enggau Johny Jimbun.
Kepala Pengajar sekula nya Serina Sauni madahka,
semua 98 iku nembiak teulihka A ba tiga sabjek baka Matematik, Sains enggau
Kemahiran Hidup.
“Pemutus ti dijapai kitai taun tu ngelui
ari taga kitai. Kitai naga bulih 1.05 ungkup GPS (Gred Purata Sabjek)
tang kitai teulihka 1.0427. Majak mit poin GPS mandangka majak manah pemutus ti
dikeulih kitai.
Enti nitihka peneka ati kitai deka teulihka GPS
1.00 lalu semua nembiak teulihka A dalam semua sabjek ke diambi sida,” Ku iya
madah ngagai pengarang berita ensanus.
Ku iya,kenyau ari taun 1992 iya nya taun ke
penudi endar bisi peresa Sijil Rendah Pelajaran (SRP) ke disilih enggau peresa
PMR dalam taun 1993, sekula nya udah teulihka pemutus 100 persin dalam peresa
PMR.
Pemutus taun tu ti pemadu manah udah dijapai
sekula tu lalu arapka teulihka pemutus manah agi ba peresa SPM ti deka pansut
dalam bulan Mac taun baru.
- UB
No comments:
Post a Comment