Pengereja Pengawa Kontrek KEMAS ke Suba Berengkah Nerima RM3,000 Saritu

PUTRAJAYA: Bayar RM3,000 ungkup seiku ‘one-off’ tauka sekali bayar aja ngagai orang ti kala gawa kontrek enggau Opis Pemansang Raban Bansa (KEMAS) berengkah diagih Hari Enam (seharitu) ti dipunka ba Kelantan lalu ditangkan enggau nengeri ke bukai.

Sapit Menteri Pemansang Menua Pesisir enggau Kandang Mengeri Datuk Hasan Malek madah, sepenyampau 560 iku deka nerima bayar nya ba Kelantan ti dipelaba disuaka Kaban Parlimen Jeli Datuk Seri Mustapha Mohamed ke mega Menteri Dagang Antarabansa enggau Industri ba sebengkah pengerami ke diatur seharitu.

Hasan madah nangkan nya (Kelantan) bayar deka diatur ba Sarawak kena ke 12 March, ti mungkur 220 penerima, lalu Terengganu kena 14 March (257 penerima), Johor 15 March (555 penerima), Perlis 18 March (225 penerima), Melaka 19 March (350 penerima), Pahang 20 March (550 penerima) enggau Negeri Sembilan kena ke 21 March ngagai 233 penerima.

“Kelimpah ari nya, 550 penerima di Kedah nerima bayar sida kena 22 March, Perak 25 March (670 penerima), Pulau Pinang 28 March (255 penerima), Selangor 786 penerima enggau Wilayah Persekutuan 120 penerima. Haribulan ba Selangor sereta Wilayah Persekutuan bedau ditentuka,” ku iya ba aum pengarang berita.

Nyentukka diatu (maya aum pengerang berita 1 March), KEMAS nerima sepenyampau 6,000 peminta ari orang ke minta bayar nya ti begunaka ungkup belanja RM18 juta. — Bernama