BELAGA: Lima iku balat bakal lalu 13 iku ke bukai semina bakal mimit lebuh beranda rumah buding indu ba SK Punan Ba’ runtuh, pukul 8.50 malam Hari Dua tu tadi.
Lebuh penusah nya nyadi, nembiak 18 iku nya benung begelumu ba beranda seraya ke nganti pintu buding nya dibuka, lalu enda mukai- mukai sanding kayu nya tingkil ti ngujungka beranda runtuh lalu nabanka 18 iku nembiak dia.
Ku Kepala Pengajar Dan Bira, rumah buding ke digaga dalam 1983 endang udah balat endar buruk lalu diatu benung digaga.
“Enggau nya kami udah ngusungka dua buah kuarters ngambika bisi endur nembiak nya diau. Tebal agi bala nembiak nya mengkang takut sereta kesal ati ari penusah ke nyadi nya,” ku iya.
Kaban Parlimen (MP) Hulu Rajang, Datuk Billy Abit Joo ti disempulang Residen Kapit Dahim Nadot enggau Pemesai Opis Pelajar Pelilih Mit Menua Belaga Neleon @ Milon Saing bisi datai ngabas endur penusah ke nyadi.
Berebak enggau nya, Billy nyuaka chek RM10,000 ngagai Gerempung Apai Indai enggau Pengajar (PIBG) SK Punan Ba’ ngambika bisi dikena sida ngaga beranda rumah buding ke runtuh nya.
- 4 Feb 2012
No comments:
Post a Comment