MCA Deka Betemu Enggau Menteri Pelajar Bekaul Penanggul Suntuk Pengajar di Sekula Cina

KUALA LUMPUR: Presi­den MCA Datuk Seri Dr Chua Soi Lek madahka diri deka betemu enggau Sapit Menteri Besai (DPM) ke mega Menteri Pelajar Tan Sri Muhyiddin Yassin berandauka isu sun­tuk pengajar ke ditapi sekula vernakular China dalam awak ke semak.

Iya madah, penerang se­nentang penyampau pengajar ba sekula SJK(C) ke diberi enda mandangka pekara ke amat nyadi.

“Nyentuk ke diatu, pen­anggul nya lalu bedau dipu­tar. Aku deka betemu lalu berandau enggau Menteri Pelajar Tan Sri Muhyddin Yassin ngambika pekara tu ulih diputar enggau lengkas,” ku iya lebuh dikerandau kemari.

Dalam kandang beminggu ke udah, riput madahka sekula primari China agi napi penanggul suntuk pengajar iya nya urung 2,000 iku ba serata Malaysia.

Isu tu ke terubah iya did­inga sebedau renggat sekula berengkah pun taun tu tadi lalu opis ba pekara pelajar madahka deka mutarka isu nya.

Diatu, pengawa puang nya udah diisi tang sigi agi pen­anggul ayan ketegal pengajar ke dianjung enda mereti jaku China. — Bernama