Taja pen iya beumur 29 taun, tang nya ukai penekul ngagai Tampin nampung pelajar iya. Berindik ari pemujur nya Tampin naruh pengingin ati nampung pelajar iya ngagai tikas ke tinggi agi ba Management & Science University (MSU) dalam bidang ke sama seraya madahka, anugerah nya nyadika perais ungkup sida sebilik ba Kuching kelebih agi kededua apai enggau indai iya.
“Aku ukai ari ruang bilik ke kaya lalu pemutus Peresa Sijil Peperiksaan Malaysia aku mega enda chukup manah ti ngujungka apai indai aku enda meransang aku nampung pelajar agi.
“Taja pia, belalai ari kami sebilik aku mutus ati ngumpul duit dikena belajar baru.
“Pengingin ati aku deka nampung pelajar majak nambah lebuh aku gawa ba sebuah hotel di Kuala Lumpur.
“Anugerah tu mega ngeringka semengatka aku ngambika pegari agi.
“Nengah peransang ari raban Kolej PTPL ke suah nyaup aku, aku mutu s ati deka nyadi nembiak ke pemadu nyulut.
“Aku meri terima kasih laban ti ulih belajar ngulihka pemandai ba kolej tu, kelimpah ari selain yuran ke murah sereta palan belajar ke manah, ba aku Kolej PTPL tu meh ke pemadu manah ungkup orang ke baka aku laban disaup sereta diajar enggau manah,” ku iya.
Sama bela bisi nerima Anugerah Nembiak ke Pemadu Nyulut iya nya Slyvester Ronny Pulene ke ngambi kos Diploma Pendidikan Awal Kanak-kanak. Nembiak ke beumur 23 taun ari Kanowit tu milih Kolej PTPL laban kolej nya bisi nyendiaka bidang pelajar ke pemadu manah ngambika ila iya mudah begigaka pengawa sengudah nembuka pelajar.
Ungkup sesi akademik 2010/2011, seraban 903 nembi ak bisi dalam lis nerima Anugerah Senarai Presiden lalu 36 iku ari sida nya deka nerima Anugerah Khas Presiden laban teulihka puku rata penyampau gred kumulatif (PNGK) ngelui ari 3.75 tiga semester bejejurut kelimpah ari regas ba kokurikulum.
- UB
No comments:
Post a Comment