Iya nyuaka geran nya beserimbai enggau Pengerami Nyuaka Bantu Rayat 1Malaysia (BR1M) ba sekula nya empai lama ke udah.
Lebuh ke bejaku ba pengerami nya, iya ngelalau apai indai ba sekula nya terus begempung enggau raban sekula ngemansangka anak sida ngambika nyadi mensia ke beguna jemah ila.
“Aku mega arapka PIBG ngena geran ke bisi nya ngemanahka perengka infranstruktur ba sekula ngambi pulaika pengelantang anak kita belajar ditu.
“Sekula ke manah ulih nempa pemujur nembiak laban sida berasai nyamai lebuh ti belajar ba sekula ti ngembuan perengkaguna ke chukup. Nya alai enti bisi perengka ke jai, gaga meh enggau lengkas,” ku iya.
Lebuh ke ngenang BR1M, Alexander ngelalau orang ke enda mujur ba peminta sida tau nguji minta baru anang laun ari 10 Mac ila.
“ Tuju meri BR1M dikena nulung ngelempungka tanggung pengidup orang ke ngembuan penatai pemisi mit. Nya alai, enti peminta kita enda diterima, kita tau nguji minta baru. Nyangka bisi penyilap ba pom ke diisi kita dulu ari tu, ti ngujungka peminta kita enda dikemendarka. “ BR1M tu deka dibayar ngagai orang ke bulih nyentuk ke 15 April tu ila” ku iya.
Sama bisi ngulu pengerami nya Pemesai Opis Pelilih Mit Kapit, Elvis Didit, Sapit Ketuai Kunsil Pelilih Mit Kapit (MDK) Jefferson Jamit, Sekretari Politik Kepala Menteri Tengku Gruna, Menijer pampang Maybank Kapit John @ Johnary Janggu enggau raban SK Nanga Ibau ke bukai.
- UB
No comments:
Post a Comment