Menteri Muda ba Opis Kepala Menteri (Ngelakuka Pelajar Teknikal) Datu Len Talif Salleh madah, naka ke diatu semina semina 24,008 penuduk nya udah diisi.
Iya mega madah, dalam taun 2016, penyampau awak ba palan pematih nya deka ditambah ngagai 50,000 iti.
“Penyampau nya ulih dijapai laban maya nya ila urung 42,000 iku nembiak ke udah nembuka pelajar ba tikas Sijil Pelajaran Malaysia (SPM) enggau Sijil Tinggi Persekolahan Malaysia (STPM), lalu semina 15 nyentuk ke 20 persin ke ulih nampung pelajar ngagai palan pelajar tinggi,” ku iya lebuh bejaku ba program ‘Yayasan Peneraju Pendidikan Bumiputera (YPPB)’s Jelajah Aspirasi 2012’ kena Hari Empat nyin kemari.
Iya ke ngarika Kepala Menteri Pehin Sri Abdul Taib Mahmud lebuh macha teks jaku nya.
Sama bisi ngulu pengerami nya Menteri ba Opis Menteri Besai Tan Sri Nor Mohamed Yakcop sereta ketuai eksekutif YPPB Raja Azura Raja Mahayuddin.
Len Talif madahka pemansang SCORE) dalam taun 2030 bisi urung 1.5 miliun pengawa puang, berindik ari nya, beguna amat nyikap rayat ba menua tu enggau pengelandik sereta pemandai ke patut dikena nangkup pengawa puang nya enggaika diiri pengereja pengawa
ari menua luar.
Keterubah tu ku iya, TEGAS nagit nembiak ke enda nembuka pelajar sekula ba bidang akedamik, udah badu besekula enggau ketuai raban bansa di menua pesisir lebuh ke ngelakuka pelajar teknikal enggau latih vokasyenal ngagai nembiak Bumiputera ba menua pesisir.
Ku iya baru, taja pan perintah menua nyendiaka peluang ke sebaka ba pelajar teknikal ngagai semua nembiak peranak Bumiputera ba menua pesisir, tang bisi mega sekeda raban bansa ke begunaka saup ketegal pemar rampa menua di menua tu.
Baka ke diatu, program tu udah ditempa ungkup raban bansa ke mimit baka Penan, Bukitan, Bisaya, Kadayan, Lun Bawang, Kayan, Kenyah, Sian, Tagal enggau Kelabit, ngambika nembiak ari raban bansa tu ulih ngambi kos nya ba palan pematih perintah enggau
luar.
- UB
No comments:
Post a Comment