Gambar pengias
KUCHING: Sapa ngembuan pengerindu belajarka Urup Dunging?
Dikelai nengah nama orang ti nengkebang urup, Dunging anak Gunggu, belajarka penemu tu mai reti ke chukup besai.
Nyadi seiku uchu Dunging, Assoc. Professor Dr. Bromeley Philip udah bebendar bejalaika pansik mantis lalu ngelaku sistem jaku Iban nya.
Dr Bromeley setuju begempung enggau Winstep Management Solutions ngadaka kelas Urup Dunging lalu nya ukai ketegal ti deka ngidupka sistem jaku Iban nya tang diatur enggau tuju nentuka urup nya dipelajar sereta dikelala kelebih agi bansa Iban.
Dr Bromeley sigi orang ke patut ngemesaika Urup Dunging lalu iya mega entara peturun Dunging ke udah bebendar bejalaika pansik senentang urup nya.
Kelas deka berengkah kenaka 15 Oktober 2012. Sapa ke dulu ngerijister deka diterima lalu nya bepanggai ba penyampau ke udah ditetapka.
Dikena nembuka kos, penyerta dipinta nembuka 28 jam pelajar alai tiap kelas dipejalai sepengelama 2 jam. Tiga sesi kelas diatur dalam kandang seminggu.
Penerang ke silik senentang kelas Urup Dunging deka dipadah kena Hari Enam, 22 September 2012 di Kuching Park Hotel, Jalai Padungan berengkah jam 10 pagi.
Orang ke ngembuan peneka ningaka licha tu tau betanya ngagai Sekretari program Edwin John ba lumur 019-8349790.
- UB
No comments:
Post a Comment